مقال.. ما هي مميزات وعيوب الاستثمار في العقارات؟

كتير مننا في الفترة الأخيرة بيحاول يستثمر الفلوس اللي معاه و ده اكيد بسبب عدم الإستقرار في السوق المصري إلا ان فيه ناس كتير معندهاش المقدرة إنها تغامر بالمبلغ اللي معاها وتدخل بيه اي مشروع سواء صغير أو كبير. ده بسبب الخوف ان لا قدر الله لو خسر الفلوس دي لأي سبب ميكونش خسر تحويشة العمر كله وده سبب مفهموم جداً وتخوف أكيد يحترم .

ده بيخلي كتير من الناس يفكروا لمدة طويلة إزاي أستثمر فلوسي بس يكون ده بشكل مضمون ومن غير ما تكون نسبة الخطر كبيرة و و عشان كده فكرنا  نتكلم معاكم  أكثر عن الاستثمار العقاري.

في الحقيقة مجال العقارات مثال حي وواضح جداً في الموضوع ده وبالتحديد في مصر اللي بنشوف فيها في الوقت دا فترة من فترات النمو العقاري علي مستوي البناء وعلي مستوي البيع والشراء، وده سببة بيرجع  لظهور مناطق جديدة بشكل نسبي بتشجع على الأستثمار العقاري أكتر  زي 

القاهرة الجديدة و القطامية بكل مناطقها ،  وكمان مدينة الشروق، و مستقبل سيتي ،  وهليوبولس الجديدة، و 6 أكتوبر وغيرهم كتير من المدن الجديدة الموجودة أو اللي مخطط ليها تظهر و تخلص  في السنين الجايه.

المدن الجديدة هي اللي بتخلق فرص كتير للناس اللي حابه تخرج فلوسها من البنك وتستفيد من المبلغ في استثمار عقاري سعره بيزيد بنسبة كويسة مع مرور الوقت وفي أسوء الأحوال لو السعر محصلش فيه أي زيادة ملحوظة مش هيحصل فيه نقص وده في حد ذاته أكيد مش وحش :).

الحقيقه إن فيه جوانب كتير مفيدة للإستثمار في العقار
 ومن ضمن الجوانب دي:

1-العقار ممكن يجيب ليك دخل شهري ثابت ودوري يساعد على المعيشة و غلاء الاسعار:
 وده عن طريق إنك تعرض الشقة اللي بتشتريها لغرض الاستثمار : للإيجار سواء للأفراد أو الشركات وده يعتبر من النماذج السهلة في الإستثمار في العقار اللي معظم الافراد بيلجأ ليه،  يعني  مش شرط أبداً إنك تشتري العقار وتسيبه لغايه لما سعره يزيد و يوصل لسعر انت تكتفي بيه وتبيعه، و ممكن لغايه لما تيجي اللحظه دي تستفيد بمبلغ الإيجار الشهري و يبقي كده استفدت مرتين مرة شهرية و مرة لما سعر لعقار يوصل لسعر بالنسبة لك يعتبر سعر مناسب .

2-وكمان من ضمن مميزات الاستثمار العقاري إن كل واحد يقدر يشتري علي قد إمكانياته والفلوس اللي متاحه معاه،  اللي معاه مبلغ قليل ممكن يشتري شقة مساحتها صغيرة وقسطها الشهري معقول و حتى لو معاه كاش بيكون سعرها معقول بالنسبة له ، واللي يقدر يستثمر في فيلا ربنا يقدره علي سعرها وأقساطها و اكيد هو اللي هيجي عليه عائد كويس في الاخر
و خليك كمان عارف ان مش بس الشقق اللي ممكن تستثمر فيها، ممكن تستثمر في أنواع أخرى من العقارات زي المحلات والمكاتب التجارية، ودلوقتي بقي فيه فرص كتير في مشروعات جديدة للإستثمار في العقارات التجارية.

أهم حاجة بقى و انت بتفكر تستثمر في العقارات ان في شوية أخطاء  ومخاطر ممكن تقع فيها لازم تحاول تتفاداها.

مخاطر الاستثمار العقاري، وازاي تتجنبها :

1- المخاطر القانونية:

احتمالات انك تشتري عقار و أوراقة القانونية متكونش صحيحة و سليمة وبالتالي تخسر استثمارك المالي اللي حطيطة في العقار دا بالكامل و لكن ممكن تتجنب كل المخاطر القانونية بمجرد ما تعرف ايه الاوراق اللي لازم تتأكد منها قبل ما تقرر تشتري و يكون معاك كمان مستشار قانوني تثق فيه حيث من الممكن أن تشترى عقاراً و تكون أوراقه غير صحيحة  فبالتالى تخسر استثمارك بالكامل ولحسن الحظ أن هذا يمكن تجنبه بمعرفة الأوراق القانونية التى يجب التأكد منها قبل اتخاذ قرار الشراء.

أحياناً  يتم التلاعب بالشخص الذى يشترى العقار بسبب  جهله بالأوراق القانونية اللازمة لنقل ملكية العقار من البائع للمشترى.

المستندات المطلوبة لنقل ملكية الشقق و العقارات:

لازم وانت بتشتري شقة تتفق مع البائع على الحصول على المستندات دي أو صورة طبق الاصل منها: 

1.    الحصول على عقد بيع ابتدائى من المالك.

2.    رفع دعوى صحة توقيع و نفاذ

3.    فى حالة وجود أكثر من مالك الحصول على صور من توكيلات الملاك الآخرين.

4.    الحصول على توكيل رسمى من المالك بحق البيع لنفسك و للغير.

5.    صورة من عقد ملكية الأرض المقام عليها العقار مسجلة بالشهر العقارى

6.    صورة من ترخيص عدد الأدوار بالعقار.

بوجود المستندات القانونية دي هتضمن ليك كمشترى حقك فى العقار و يضمن للبائع ثمن العقار المتفق عليه بالعقد بشكل قانونى سليم.

2- الحصول على أفضل سعر: 

انك تلاقي أفضل سعر مش معناه انك تشتري عقار سعرة قليل فكده تبقى اشتريت صح ، مبدأ شراء العقارات مخالق شوية عن شراء أي حاجه تانيه
فمن الممكن تشتري عقار سعره قليل و في المقابل تقدر تأجرة بسعر عالي فبكده تبقى انت اشتريت بأفضل سعر و من الممكن كمان انك تشتري عقار بسعر قليل و رخيص و متلاقيش حد يأجرة منك بسبب مكانه أو حالته و بكده انت خسرت لأنك استثمرت في مكان غلط. 
و العكس صحيح بمعني ممكن تشتري عقار بمبلغ كبير و ميكونش معاك أي فلوس تاني عشان تعوضك لو خسرت بس تبقى عارف انك بتستثمر في مكان هيجيلك منه عائدد كبيير بمجرد ما تعرضه للايجار  وعشان كدا لازم اي مستثمر  فى مجال العقارات انه يقوم بعملية بحث كبيرة عن العقارات المشابهة من حيث كل العوامل و مش من جانب السعر بس  و دا من خلال طرق كتيرة زي سؤال دايرة معارفة ، البحث على الانترنت أو من خلال البحث فى محركات البحث العقارية .

3-العميل المستهدف: 
يجب أيضاً على المستثمر بالمجال العقارى إدراك حقيقة أن لكل عقار عميل سيفضله لذلك لا يجب التعجل للحصول على أفضل صفقة ممكنة.

في النهايه عميلنا العزيز اللي خايف من الدخول في عالم المستثمرين والإستثمارات، بالنسبه ليك العقارات هتكون أفضل إستثمار.  بدون مخاطره كبيره لإنها بتحتفظ بقيمتها، وعلى مر العصور العقارات والأراضي سعرها عمره ما كان بيقل بالعكس علي طول الخط كان بيزيد.

نصائح و انت بتشتري عقار استثماري

عشان تنجح في انك تشتري عقار استثماري في عدة عوامل :

1- الحرص على شراء العقار المميز من ناحية الموقع لرؤية اذا كانت المنطقة تتوفر فيها  مواقف للسيارات وسهولة الوصول للعقار المراد شراؤه عن طريق المواصلات العامة او بالسيارة والتشطيب الجيد وليس من المفروض أن يكون التشطيب عالي الجودة.

2-الإيجارات المعقولة، فليس من المنطقي شراء عقار في منطقة مستوى ايجارتها عالي جدا و الناس مش بتحب تأجر هناك فتلاقي صعوبة دايما في الايجار\

3-قرب الخدمات للعقار الاستثماري، بمعنى قرب المدارس والمطاعم ومراكز التسويق، فهذه الخدمات تساعد على استقرار المستأجر في العقار

4- من الممكن التفكير في نمط معين من الاستثمار مختلف عن النمط التقليدي، فالانفتاح الحاصل في مصر حاليا يساعد على إيجاد أفكار أخرى مثل الشقق الفندقية، المراكز الطبية وغيرها من الخدمات التي تجذب مختلف الشرائح في المجتمع وخاصه الأجانب.

انت محتاج تاخد الخطوة الأولي وتشتري قطعة أرض أو بيت وتبدأ إستثمارك بدون قلق من الخسارة .
نتمنالكم التوفيق بإذن الله، ولو إستثمرت في العقار، إحكيلنا تجربتك وقولنا هو ليه أفضل إستثمار؟

نقلا عن عمار ماب