قريبآ الإفتتاح الرسمي لطريق الدائري الاقليمي

قريبآ الإفتتاح الرسمي لطريق الدائري الاقليمي
هيتم افتتاح آخر قوس منه وهو القوس الشمالي الغربي بعد العيد إن شاء الله من التقاطع رقم 1 (طريق مصر إسكندرية الزراعي) إلى التقاطع رقم 15 (طريق مصر إسكندرية الصحراوي) 
والطريق الدائري الاقليمي هو أهم طريق اتعمل في مصر منذ إنشاء الطريق الدائري حول القاهرة .. لأنه بيربط بين كل محافظات مصر تقريباً بدون دخول القاهرة وهيتم تفريغ الزحمة من الطريق الدائري العادي والطريق إلى القاهرة نفسها .. وطوله حوالي 400 كم وبنصف قطر حوالي 50 كم من في المتوسط من مركز القاهرة 
كل السيارات الخارجة من محافظات الدلتا متجهة إلى محافظات القناة أو الصعيد كانت نقطة التجمع هي مدينة بنها .. محافظات كفر الشيخ والغربية طريقهم هو الطريق الزراعي وصولاً لبنها ، محافظة الدقهلية من خلال طريق بنها المنصورة ، محافظة الشرقية من خلال طريق بنها الزقازيق ، ثم تتجمع كل السيارات دي من بنها لحد الدائري وصولاً لطرق الاسماعيلية أو السويس أو الصعيد .. دا خلق حالة من الزحام الغير طبيعية من بعد بنها لحد طلعة الدائري وزحمة على الدائري نفسه اللي أصبح بيستخدمه أغلب سكان القاهرة أيضاً 
الوضع دا هيتغير لأن كل الطرق تقريبا هيبقى ليها تقاطعات مع الدائري الاقليمي وتقاطعات حرة بعيد عن القاهرة خالص وبعيد حتى عن بنها 
التقطاعات بالتريب هي : 
1. تقاطع طريق مصر اسكندرية الزراعي 
2. تقاطع طريق بنها شبرا الحر (ومنه إلى طريق بنها المنصورة وطريق بنها الزقازيق) 
3. تقاطع طريق مصر الاسماعيلية الزراعي 
4. تقاطع طريق القاهرة بلبيس 
5. تقاطع طريق مصر الاسماعيلية الصحراوي (قبل مدينة العاشر من رمضان) 
- تقاطع طريق جنيفة (إلى مدينة الشروق)
- تقاطع طريق العاشر بدر (إلى مدينة بدر)
6. تقاطع طريق مصر السويس الصحراوي 
7. تقاطع طريق العين السخنة (ومنه إلى الغردقة) 
8. تقاطع طريق القاهرة أسيوط الصحراوي 
9. تقاطع طريق حلوان الكريمات 
10. تقاطع طريق أسوان الزراعي الغربي 
11. تقاطع طريق أسوان الجيزة 
12. تقاطع طريق الفيوم الصحراوي 
13. تقاطع طريق الواحات البحرية 
14. تقاطع طريق ومحور الضبعة وصولاً للعلمين 
15. تقاطع طريق مصر اسكندرية الصحراوي (قبل مدينة السادات) 
16. تقاطع طريق الخطاطبة
- تقاطع طريق شبين الكوم - القناطر الخيرية (ويخدم أيضاً الباجور وأشمون)