اتعلم ازاي تبيع أي عقار عندك بسرعة

أحيانا الناس بتضايق لما تعرض أي شقة عندهم للبيع ، و تقعد فترة كبيرة و متلاقيش ولا مشتري محتمل ،

و احيانا كمان بيتضايقوا أكثر لما يكونوا مستعجلين و عايزين يبيعوا بسرعة بس مفيش ولا فرصة بيع كويسة

عشان كده في الدليل دا هنقولك ازاي تقدر تعلن صح عن عقارك و تقدر تجذب مشترين محتملين كفاية.  

سئالنا بعض الخبراء في بيع و شراء العقارات عن ارائهم ليه أحيانا بعض الشقق بتتأخر في البيع و جمعنا لكم شوية نصايح و أرااء من ارائهم عن بيع العقارات

من أول الحاجات اللي الخبراء قالوها ان كل بائع محتاج يسأل نفسه " ليه أي مشتري هيجي و يشتري الشقة أو العقار بتاعي انا و ميروحش لأي حد ؟ "

غالبا اجابة اي بائع بتكون فيها غرور شوية ، و الرد بيكون ان بيته اللي عارضة للبيع أحسن بيت، و أحسن سعر ، و أفضل تشطيب بس مش شرط  دا يكون من وجه نظر المشتري واضح

الخبراء بيقولولك ان في حاجات كتير تانية في المعادلة لازم تاخد لك منها عشان تقدر تبيع أي عقار انت عايزة بسرعة و سعر مناسب بالنسبة لك.

جمعنا لكم  شوية سناريوهات و احتمالات ممكن تساعدك عن ليه بعض العقارات مش بتتباع بسهولة:

الاحتمال الأول : و انت بتفكر تبيع شقة لازم تبقى عارف انها مش هتتباع في يوم و ليله!!

الحل: لازم تعرف انك تبيع بيت دا مش بيحصل بسرعة الضوء، لازم تستنى بعض الوقت عشان تفهم السوق و عشان تسيب العقار وقت مناسب في السوق عقبال ما عدد معقول من المشترين المحتملين ما يشوفوه ، و عقبال ما يفكروا و يقارنوا و يعرفوا ياخدوا أصعب قرار مالي ممكن ياخدوة في حياتهم.

• اذا مشككلتك هنا انك مستعجل جدا ، و سوق العقارات دايما دايما بيحتاج شوية صبر.

الاحتمال الثاني : حالة البيت مش كويسة تماما ، البيت مثلا فيه رائحة مش كويسة أو مليان تراب

بعض المشاكل اللي بتكون بسبب البائع نفسه ، لانه سعات كتيير بيتجاهل مشاكل كبيرة في البيت نفسه

زي ايه : زي مثلا انه بيتخيل انه لما بمجرد ما يحط اعلان يبقى البيت هيتباع على طول و مش بياخد باله ان في مشترين كتيير بيشوفوا الشقة و مش عجباهم و شايفين ان السعر مش مناسب للشقة مثلا دا بيرجع انك مش مهتم بشكل الشقة و لا نظافتها و سايبها مليانه تراب لمجرد انك خلاص قررت تبيعها و بكدا لازم تعرف ان حالة الشقة مهمة جدا و بتسرع عملية بيع أي الشقة

الاحتمال الثالث: لو عامل اعلان عن عقارك على موقع عقارات "اختيارك لصور الشقة مش حلوة خالص و مش بتوضح المعلومات اللي المشتري بيدور عليها"

لو بتعمل اعلان لعقارك على اي موقع عقاري ، لازم تبقى عارف ان من الحاجات المهمة جدا في لسرعة بيع العقار هي الصور.

الصور من العوامل الرئيسية جدا لبيع اي عقار ليه ..؟عشان هي اللي بتدي صورة مبدأية لأاي شاري انه يتشجع انه يجي يشوف الشقة و دا بسبب ان صور الشقة عجبته

انما لو صور الشقة سيئة بتققل كتيير نسب الناس اللي بتفكر تتكلم أو تفكر تيجي تشوف الشقة على الطبيعة.

الاحتمال الرابع: المعلومات الخاصة بالعقار مش واحدة و ارقام التليفون مش صحيحة ، أو عنوان الاعلان مش واضح

لازم أي معلومة عن العقار تكون واضحة سواء كنت عامل اعلان على موقع أو لو بس كاتب عليها للإيجار و سايب المفتاح للبواب ، لازم تتاكد ان المعلومات واضحة و كافيه عشان لما المشتري يشوف الاعلان يقدر يلاقي اجابات للأسئلة اللي عنده فيأخد القرار بطريقة أسرع.

الاحتمال الخامس: مبتفكرش تعلن عن عقارك بأسلوب أكبر و أحدث

فكرة بيع عقار دلوقتي بقت مختلفة كتيير عن زمان و فكرة انك مجرد تقول للبواب يدورلك على مشتري بقت مش فعالة زي زمان و دلوقتي الناس بتتجه انها تعلن عن عقاراتها عن طريق الانترنت فلو فكرت تتعلم تعلن عن عقارك على الانترنت هيجيلك مشترين مختلفين و مش لازم ساعتها تكون تحت رحمة البواب.

و بعد ما عدينا على كل الاحتمالات دي و لو عندنا مشاكل فيها صلحناها

ممكن ساعتها نقول ان انت عندك بيت جميل ، نظيف و معموله صيانة و متشطب بطريقة معقولة و مفيش أي عيوب في البيت ولا في الجيران

عندك اعلان جميل ، و صور و عنوان واضحين و أرقام تليفونات تشد اي شاري محتمل انه يكلمك و يستفسر عن الشقة

و بعد ما ظبطنا كل حاجة انتظرت و لقيت برده ان مفيش أي شاري كويس من وجهه نظرك ، يبقى العيب الوحيد اللي باقي في عقارك عشان يتباع هو السعر

والسعر في الاساس بيعتبر العامل الرئيسي و أي حد بيدور انه يشتري شقة

ديما أولويات اي شاري بتكون كالاتي:

1-السعر

2-المنطقة

3-المساحة 

4-تشطيب الشقة و سنه بناء لبعمارة و التراخيص و الحاجات القانونية الخاصة بالشقة

دول ال 4 حاجات الاساسين اللي لازم تبقى عارف انك هتعدي عليهم مع أي مشتري

تعالوا بقى نتكلم عن  السعر:

زي ما اتفقنا ان السعر له عامل أساسي جدا في سرعة عملية بيع أي شقة  عشان كده لو الشقة او العقار اللي انت عارضة للبيع سعره عالي في منطقة معروف عنها أسعار أقل ، يبقى مش هتقدر تبيع بسهولة ابدا كمان لازم تاخد بالك ان لو شقتك اتاخد عنها فكرة انك مصصم تبيعها بسعر عالي ، و انك مش هتنزل سعرها ابدا معظم المشترين مش هيفكروا يجوا حتى يشوفوا الشقة عشان يعرفوا ان الشقة مثلا تستاهل و انت مش طالب سعر عالي و خلاص.

يبقا اللعبة هنا انك و انت بتحدد سعر الشقة لازم تكون منطقية بالنسبة للشقق اللي موجودة حواليك  في نفس المنطقة

وكمان لازم تكون عارف ان الناس و السوق و الاقتصاد بيتغيروا ، عشان كدا لازم دايما يبقا عندك قابلية للتغيربالنسبة للسوق و الناس و الحالة الاقتصادية للبلد.